Imagen de cabecera noticias

Bazkideen babes pertsonal eta soziala: zergen alorreko alderdiak

26 Iraila 2022
Protección personal y familiar socios: aspectos fiscales

Espainian 3,3 milioi enpresa baino gehiago daude, eta horietako bi milioi eta erdi baino gehiago mikroenpresak dira (gehienez 9 soldatako langile). Ia guztien kasuan, jabetza oso kontzentratuta dago eta bertan betetzen ditu bere zerbitzuak. Horrek esan nahi du “sozietate-autonomoaren” figura oso hedatuta dagoela gure enpresa-ehunean. Zehazki, autonomoen % 39 sozietate baten baitan aritzen da, hau da sozietate-autonomoak dira (1.200.000 pertsona); % 61, berriz, pertsona fisiko gisa aritzen da.

Sozietate-autonomoa merkataritza-sozietate kapitalista baten bazkide langile bat da, zuzendaritza eta gerentziako eginkizunak betetzen dituena, hau da, normalean kontseilari edo administratzaile gisa aritzen da; edo zerbitzuak bete ohi ditu, dirua irabazteko asmoz, modu pertsonal eta zuzenekoan, betiere kontrol erreala baldin badu (legez eskatzen den ehunekoa izateagatik). Enpresako langilea izan arren, bazkide (jabe) izateak esan nahi du bere harremanean ez direla betetzen edozein lan-harremanetan ohikoak eta ezinbestekoak diren bi baldintza: mendetasuna eta besterentasuna. Horregatik, RETAra afiliatu behar da nahitaez, eta, hortaz, bere kotizazio-mailaz erabaki dezake askatasunez; errealitatea da horien kopuru handi batek gutxieneko oinarriagatik kotizatzen duela (377,87 euro hilean), haien diru-sarrerak nabarmen handiagoak izan arren; horregatik, haien ordezte-tasak (“pentsioaren” % vs “diru-sarrerak") benetan kezkagarriak dira eta horrek behartzen ditu erabaki sakonak premiaz hartzera, gertakizuna gertatzen denean euren “desiratutako bizi-mailari” eusteko.

Horregatik guztiagatik, badirudi oso zentzuzkoa dela sozietate-autonomoek babes-egitura bat kontratatu dezatela, gertakizun nagusien aurrean (heriotza, ezintasun iraunkorra, mendetasuna, aldi baterako ezintasuna edo erretiratzerakoan bizirik iraute) euren burua babestu ahal izateko.  Sozietate-autonomoek euren ongizate pertsonal eta familiarra babesteko kontratatzen dituzten aseguru- eta aurreikuspen-produktuek ondorengo Koadroan agertzen diren zerga-kontsiderazioak dituzte.

(1) Sozietate-autonomoak partikular gisa kontratu ditzake horrelako aseguruak bere ongizate pertsonal eta familiarraren babeserako. Aseguruak kontratatzen dituena enpresa baldin bada (hartzailea enpresa izatea), Sozietateen gaineko zergan ordaindutako primak ez dira kengarriak izango (sozietate-autonomoaren ongizate pertsonal eta familiarra ez dago jarduerari atxikita).  
(2) Baimenduta dago PFEZaren zerga-oinarri orokorra murriztea Banakako Pentsio Planei egindako ekarpenengatik (sozietate-autonomoek ezin dute enpleguko Pentsio Plan batean parte hartu), une bakoitzeko araudiak onartzen dituen mugekin (orokorrean, 1.500 euro 2022ko ekitaldian).
(3) Autonomoek laguntza sanitarioko produktuei ordaindutako primak kengarriak dira euren PFEZn (orokorrean, 500 euroraino pertsona bakoitzeko, autonomoa, bere ezkontidea eta lehenengoarekin batera bizi diren 25 urtetik beherako seme-alabak), betiere euren jarduera ekonomikoen etekinak zuzeneko estimazio-erregimenean determinatzen badituzte.

(1)  Heriotzagatik jasotako zenbatekoek onuradunaren Oinordetza eta Dohaintzen gaineko Zergan (ODZ) tributatuko dute, eta ezintasun iraunkor baten ondorioz jasotzen direnek  kapital higigarriaren etekina sortuko dute (KHE) PFEZaren aurrezpenaren zerga-oinarrian.
(2) Biririk irauteagatik jasotako zenbatekoek kapital higigarriaren etekina sortuko dute PFEZaren aurrezpenaren zerga-oinarrian; heriotzagatik jasotako zenbatekoek, berriz, onuradunaren Oinordetza eta Dohaintzen gaineko Zergan (ODZ) tributatuko dute; azkenik, ezintasun iraunkor baten ondorioz jasotakoek kapital higigarriaren etekina (KHE) sortuko dute PFEZaren aurrezpenaren zerga-oinarrian.
(3) Gizarte Aurreikuspeneko produktu baten prestazioa kobratuz gero, sortutako errenta lanaren etekin gisa kalifikatzen da PFEZaren zerga-oinarrian (partaidea hiltzen denean ere -onuradunak lanaren etekin gisa integratu beharko du prestazioa bere PFEZn-).

Noticias Relacionadas

22 Martxoa 2024
2023ko azaroan Espainian erregistratutako langabeak 2,7 milioi baino gehiago izan arren, Lan eta Gizarte Ekonomia Ministerioaren arabera, beti ez da erraza izaten lanpostu jakin…
26 Otsaila 2024
Bizitza-aseguru baten kontratazioa une garrantzitsua izaten da, arrazoi batzuengatik. Iturria: IATI
2 Otsaila 2024
Balorazio orokorra eginda, zerbitzuaren kalitateari dagokionez konpainia onenaren saria da, ADECOSEk (Espainiako Aseguru Artekaritzen Elkartea) emana.